Bhí raon iontach ceardlanna ar theicneolaíocht chruthaitheach eagraithe ag an chomhlacht ‘KINIA‘  a bhí dírithe ar fhorbairt scileanna ríomhaireachta d’oideachasóirí fud fad na tíre. Le fírinne, bhí oideachasóirí ann ag foghlaim faoi go leor rudaí teicniúla : IS, VR, Teicneolaíocht Ghlas, Teicneolaíocht Chliste, MoJo agus Podchraoltóireacht.

I measc na n-oideachasóirí uile, bhí Múinteoir Bairbre ag tabhairt oráide in Oifigí Google. Thug Bairbre léargas don lucht éisteachta faoi chúrsaí réamheolaíochta agus na tionscadail atá curtha i gcrích ag Coláiste an Eachréidh thar na blianta.

Congratulations to Múinteoir Bairbre who was among the key-speakers at the TECH-FEST for educators in Google head office recently.

Bhí seisiún oiliúna ag Conradh na Gaeilge in Áras na nGael, cathair na Gaillimhe do dhaltaí iarbhunscoile. Le fírinne, bhí lá iontach curtha ar fáil do na scoláirí meánscoile ina raibh neart eolais roinnte, áiseanna agus acmhainní éagsúla curtha i láthair agus obair ghrúpa acu. Mar aon leis an traenáil uile, bhí deis ag na Gaeil óga bualadh le hoifigigh eile ó mheánscoileanna mórthimpeall na Gaillimhe, aithne a chur ar a chéile, tuairimí agus taithí a roinnt le chéile.

Bhí údar ceiliúrtha againn sa choláiste ar na mallaibh agus aitheantas tugtha don obair cheannródaíochta déanta ar son mheabhairshláinte na ndaltaí a chothú is a fhorbairt. Ghlac pobal uile na scoile (scoláirí, múinteoirí, bainistíocht agus tuismitheoirí) páirt sa togra ‘One Good School (OGS)’ le dhá bhliain anuas. Ár mbuíochas le Jigsaw i nGaillimh a d’eagraigh ceardlanna agus seimineáir ghréasáin i rith an ama sin agus a thacaigh go mór linn le gach gníomhaíocht a bhí idir lámha againn chun tacú le meabhairshláinte ár scoláirí. Bronnadh an phlaic óir ar Choláiste an Eachréidh le deireannas dár n-iarrachtaí ar fad tríd an gclár agus bhí baill dár bhfoireann OGS ann don ócáid.

 

Members of our ‘One Good School’ team were presented with the OGS gold plaque recently in acknowledgement of our efforts to support the mental health and wellbeing of our students. Many thanks to Jigsaw Galway for their continuous support. 

Ó thús Mheán Fómhair, Bhí daltaí na hIdirbhliana ag obair go dian dícheallach chun an ceoldráma seo a chur ar ardán ó thús Mheán Fómhair. Níl ach cúpla uair a chloig anois ann go dtí go mbeidh siad ar stáitse! Bhí scileanna ealaíne is adhmadóireachta, obair fhoirne agus neart curtha le chéile ar mhaithe a bheith réidh ar stáitse anocht agus oíche amárach 15ú & 16ú Samhain.

 Is féidir réamhamharc a fháil anseo.

Is cinnte go bhfuil na sluaite ag siúl go mór leis an cheoldráma agus lucht féachána ag teacht ó na ceithre hairde le bheith ar an láthair.

The Transition Year students have been working hard on their musical Mamma Mia. They have enjoyed the whole experience– singing, dancing, acting, and behind the scenes work. The sets, outfits, and props are all ready to go, lines and dances rehearsed, all that’s left to do now is put on the show. The show will be on the 17^th and 18^th of November.

A quick preview available   Here

Cuid de na carachtair:

Emmeline ag glacadh ról mar ‘Cyndi‘. Tá gean mór ar Cyndi ar scoil. Is cúlchainteoir amach is amach í (an duine is mó ar scoil). Is dlúthchairde iad Cyndi agus Tiffany, cé nach bhfuil siad cosúil lena chéile ar chor ar bith! Is duine muiníneach agus ábharaíoch í Cyndi. Tá na buachaillí ar fad faoi gheasa ag Cyndi, ach níl suim dá laghad aici iontu ar chor ar bith. Úsáideann sí na buachaillí le bronntanais a fháil uathu agus ionas go ndéanann siad garanna faoi leith ar a son. Tá sí baothghalánta agus gafa ar chúrsaí airgid, ach fós féin tá a lán daoine a bhfuil meas acu uirthi agus cairde maithe dílse aici.

Glacann Alyssa ról Tiffany. Tá Tiffany gafa leis an leaid is “cool” ar scoil  i. Michael Feldman ach gan fhios di féin, tá Corey i ngrá léi le blianta fada. Ceapann Corey gur cailín deas gleoite béal dorais í. Is dlúthchairde iad Tiffany agus Cyndi, agus iad aitheanta i measc na gcailíní “cool” eile. Cé gur cailín lách, cneasta í,  uaireanta is féidir léi a bheith místiúrtha…

Finn ag tabhairt faoin ról mar Corey Jr.. Tá Corey mar iarrthóir sa toghchán scoile in éineacht lena bheirt cara Alf agus Kirk (iadsan le bheidh ina leas-uachtaránaí aige). Tá sé dúnta i ngrá le Tiffany, agus is minic go mbíonn troideanna agus achrann aige le Michael Feldmans.

Glacann Jamie páirt Michael Feldman. Laoch na scoile atá ann! Tá na cailíní uile splanctha ina dhiaidh, go háirithe Tiffany (an cailín lena bhfuil Corey i ngrá!). Tá Michael thar a bheith gealgháireach os chomhair slua ach de réir dealraimh is duine mailíseach gránna é a bhíonn ag piocadh ar pháistí bheaga! Ach, ní fheiceann na cailíní a leithéid. Ina dtuairim- is breá an staic é!

Emmeline plays the character Cyndi. Cyndi is one of the popular girls and is the biggest gossiper in the school. She is best friends with Tiffany Houston, although they could not be more different. Cyndi is sassy and materialistic. Despite being very popular amongst the boys, she has no genuine interest in boys and simply uses them for presents and favours. She is money oriented and shallow, yet still has many friends and admirers.

Alyssa takes the role of Tiffany. Tiffany is the girl next door, and Corey has been in love with her for years. Unfortunately, Tiffany is only interested in the coolest guy in the school, Michael Feldman. Tiffany is friends with the cool girls at school and her best friend is Cyndi Gibson. While Tiffany is a nice girl, she can be misguided!

Finn takes the role of Corey Jr.. Corey is a candidate for the school election and has Kirk and Alf (his best friends) as candidates for vice presidents. He has a crush on Tiffany and constantly butts heads with Michael Feldman.

Michael Feldman played by Jamie, is the coolest guy in the school. He has the romantic attention of all the girls, but particularly Tiffany (who Corey just happens to be in love with.) Michael is very suave in the presence of any females. However, when they are not around he shows his true colours – he is a mean, manipulative oaf who picks on smaller kids. The girls never seem to see this side of him though. To them, he is a God. 

Ticéid ar fáil anois:

Déanaigí deifre

 

Bhí na foirne díospóireachta idir shóisearach agus shinsearach thar a bheith gnóthach agus iad páirteach sa chéad bhabhta an chomórtais eagraithe ag Gael Linn Dé Máirt 24/10/23. Bhí siad in iomaíocht le Coláiste na bPiarsach, Scoil Chuimsitheach Chiaráin, Coláiste Cholmcille, Laurel Hill Coláiste agus Gaelcholáiste Luimnigh.

Léirigh an fhoireann shóisearach (Grace, Maeve agus Eoghan) a gcuid pointí go héifeachtach agus iad den tuairim go bhfuil an spórt imithe as cúrsaí spóirt agus is cinnte go ndeachaigh a dtuairimí i bhfeidhm go mór ar na moltóirí.

Mar aon leis sin, bhí tuairimí láidre nochtaithe ag an fhoireann shinsearach (Katelyn, Aoibhin agus Peadar) agus iad ag rá nár cheart dúinn a bheith bródúil as Óglaigh na hÉireann. Léirigh siad a dtuairimí go paiteanta agus go soiléir.

Cé nár éirigh leis an fhoireann shóisearach dul ar aghaidh caithfidh a rá go bhfuilimid thar a bheith bródúil astu agus is cinnte go bhfuair siad ar fad taithí nach beag as an eispéireas. Gabhaimid comhghairdeas leis an fhoireann shinsearach a bheas ag gabháil ar aghaidh chuig an chéad babhta eile. Treislímís a ndíograis leo ar fad agus gabhtar buíochas speisialta leis na múinteoirí, Seán Ó Briain, Lisa agus Sinéad (Príomhoide) a thug cabhair iontach, treoir soiléir agus tacaíocht den scoth dóibh uile.

Congratulations to Coláiste an Eachréidh’s  Junior and Senior debating teams that recently participated in Gael-Linn’s national debating competition. Wishing the senior team all the best of luck in the next round. 

Níor bhris focal maith fiacail riamh

Bhí deis ag daltaí na scoile a gcuid scileanna báicéireachta a thástáil le linn Sheachtain Mhata agus obair den scoth déanta acu uilig!

Comhghairdeas leo siúd ar fad a bhí ag bácáil óir bhí cuma thar a bheith blasta ar na cístí beaga is móra a bhí curtha ar taispeáint. Léirigh siad buanna cruthaitheacha is samhlaíochta agus iad á maisiú. Bhí caighdeán an-ard le feiceáil, le boladh agus le blaiseadh as na hiarrachtaí cruthaithe ag na hiomaitheoirí ar fad.

Bhí sé thar a bheith deacair ar na moltóirí cinneadh a dhéanamh idir na roghanna éagsúla curtha os a gcomhair agus an oiread sin páirteach. Ar ndóigh, bhí ar na moltóirí buaiteoirí a roghnú sa deireadh:

• Molly  (Bl 1) 
• Eva (Bl 3) 
• Katelyn (Bl 5) 
• Saoirse (Bl 3) agus Sarah (Bl 6) 
• Éadaoin & Danielle (Bl 6) 

Congratulations to all of the participants of Seachtain Mhata baking competition. A special word of congrats goes out to the overall winners listed above.

Milis le siúcra … agus eile

Gabhaimid comhghairdeas athuair do Rang Staire na hIdirbhliana 22/23 atá i ndiaidh aitheantas náisiúnta a bhaint amach arís. An uair seo, bhí an bua acu i gcomórtas staire a bhí eagraithe ag an Roinn Oideachais. D’éirigh leo an chéad áit a bhaint amach leis an fhíseán ‘Liam Mellows (Liam Ó Maoilíosa)‘ -agus is féidir breathnú ar an fhíseán anseo. Comórtas speisialta a bhí anseo ‘Deich mBliana Chomóradh an Chéid‘ i gcuimhne ar an tréimhse chorrach 1912 – 1923

Dúirt moltóirí an chomórtais gur léir go raibh taighde nach beag curtha sa togra, go raibh gach uile duine rannpháirteach agus gur éirigh go héifeachtach leo scéal Uí Mhaoilíosa a inse i ngearrscannán. Bhí idir ionadaithe CNCM agus ionadaithe ó Roinn Staire, Coláiste na hOllscoile, Corcaigh mar mholtóirí ar an chomórtas.

Bhí ceathrar a bhí rannpháirteach sa tionscadal i láthair i gColáiste na hOllscoile, Corcaigh leis na duaiseanna a bhailiú ar son na scoile. Ba mhór an ónóir dóibh teastais (sínithe ag Norma Foley, Aire Oideachais a fháil), mar aon le boinn, plaic agus dearbhán leabhar ar son na scoile a thabhairt abhaile leo. Ar ndóigh, níorbh é seo an chéad scéal nuachta a bhí againn i dtaobh an ghearrscannáin seo – is féidir tuilleadh a léamh ag nascanna eile anseo.

Congratulations to TY History Class 22/23 that have just been awarded first place in the ‘Decade of Centenaries’ History competition for schools for the short film on Liam Mellows(to be seen here). Competition organized by NCCA, Dept. of Education in conjunction with the School of History, UCC. A delegation of students attended on behalf of the school and were awarded certificates (signed by Norma Foley, Education Minister), medals, a plaque and with a book token for the school. Other stories about this project on this short film can be read here.

Ní bhíonn bua gan dua

 

Bhí scoláirí ar mhuin na muice nuair a fuair siad torthaí na Sraithe Sóisearaí 18 Deireadh Fómhair ’23. Cinnte, tá gach duine sa choláiste thar a bheith bródúil astu óir is cosúil gur éirigh le gach dalta a chumas a léiriú sa mhéid a fógraíodh. Torthaí iontacha gan dabht.

Coláiste an Eachréidh would like to congratulate the students that received their Junior Cycle results recently.

Comhghairdeas leo ar fad!

Caithfidh a rá go bhfuilimid thar a bheith bródúil as scoláirí an choláiste atá ar an Choiste Gaeilge agus a chur tús le Comhrá ’23 i mbliana. Gabhaimid buíochas speisialta le Máistreas Bairbre a bhí ag obair leis an choiste i dtreo na hócáide seo. Mar a tharla, chuir Nuacht TG4 spéis sa scéal agus mír nuachta craolta acu (Is féidir breathnú anseo 17.40 – 19.48)

Bhí triúr ag obair mar mhná tí – daltaí Ardteiste; Éadaoin, Danielle agus Sarah. Bhí triúr eile mar theicneoirí agus ag déanamh cinnte go raibh fuaim agus físeán i gceart – daltaí idirbhliana; Stephen, Luka agus Aisling. Ar ndóigh, bhí go leor eile i mbun cainte ar thopaicí éagsúla.

Cuireadh tús spleodrach le Comhrá ‘23 agus oifigigh ón choiste ag cur síos ar bhuaicphointí na bliana anuraidh mar aon le plé ar an mhéid beartaithe i rith na bliana reatha. Bhí daltaí idirbhliana ag cur síos ar an cheoldráma atá le cur ar stáitse acu i gceann míosa agus daltaí ón chéad bhliain ag cuimhneamh ar thuras scoile iontach a bhí acu le déanaí i gCeapach na gCapall. Bhí deis ag scoláirí eile gabháil siar ar bhóithríní na smaointe agus iad ag cur síos ar an spraoi a bhí acu ar choláistí samhraidh sa Ghaeltacht.

Cinnte, bhí neart plé ar imeachtaí éagsúla a bhíonn ar siúl sa scoil. Níl aon amhras ach go raibh cúrsaí spóirt le plé go forleathan – peil, sacar, rugbaí, cispheil agus eitpheil ach go háirithe. Bhí ionadaíocht ó fhoireann ‘Raidió an Eachréidh’ agus uathu siúd gníomhach le ‘TechFéile’ ar an láthair le léargas a thabhairt ar an obair cheannródaíochta déanta i gcúrsaí teicneolaíochta trí mheán na Gaeilge.

Cuireadh clabhsúr le seisiún an choláiste le Comhrá ’23 agus an príomhoide i láthair ag cur síos ar an dea-scéal go bhfuil Campas Gaelach úrnua le tógáil go luath – rud a chuirfidh go mór le fás an ghaeloideachais sa chomharsanacht.

Déanaimid beart de réir ár mbriathra anois!