Tá buanna na scoláirí i gColáiste an Eachréidh le léiriú ar stáitse gan mhoill agus ceoldráma le bheith ar siúl in Halla an Bhaile in Áth an Rí Déardaoin & Aoine 14- 15 Samhain. Seó spleodrach a bheas ann le “We Will Rock You,” bunaithe ar cheol chlúiteach ‘Queen’ ina mbeidh “Bohemian Rhapsody,” “We Will Rock You,” “We Are the Champions,” agus go leor eile le cloisteáil.
Ar ndóigh, tá neart oibre curtha isteach sa cheoldráma arís i mbliana: cleachtadh ceoil, amhránaíochta & damhsa, dearadh seite & póstaer, ag ullmhú na bhfeisteas agus ag eagrú chóras fuaime is soilse. Níl amhras ar bith ann ach go raibh comhoibriú den scoth idir dhaltaí agus múinteoirí le seó thar a bheith gairmiúil a tharraingt le chéile.
“Tá obair na gcapall curtha i gcrích ag gach uile duine sa dóigh is go n-éireoidh go hiontach leis an cheoldráma arís i mbliana,” arsa Áine Nic Fhlannacha, Comhordaitheoir na hIdirbhliana, “Tá a gcroíthe is a anamacha curtha isteach sa togra seo le díogras ag cách agus tá sceitimíní orainn an tseó a léiriú don phobal.”
Le fírinne, ag an phointe seo, beidh an t-ádh dearg ar éinne ticéad a fháil ach tá gach fáilte teagmháil leis an scoil ag 091 874590 –…. ní fios?
Is fiú ceol a bhaint as an saol
