Agus scoilbhliain eile 23/24 curtha i gcrích ag scoláirí an Eachréidh, tháinig pobal na scoile le chéile l’aitheantas a thabhairt don mhéid atá comhlíonta i mbliana. Caithfidh a admháil gur iontach dúinn ar fad na buanna uile atá ag ár ndaltaí i gColáiste an Eachréidh i réimsí éagsúla. Ar an drochuair, níorbh fhéidir leis an scoil teastais a bhronnadh ar ghach uile dalta ach bhí roinnt daltaí roghnaithe as ucht a gcur chuige eiseamláireach.
Bronnadh gradaim orthu siúd a léirigh tréithe ceannaireachta, orthu siúd a bhí go maith leis an Ghaeilge a chur chun cinn sa choláiste, orthu siúd ag a raibh meon dearfach acu i dtaobh na hoibre agus orthu siúd ag a raibh freastal den scoth acu ar scoil i rith na bliana.
Ní hamháin sin ach ag Ceiliúradh Gaisce 2024, bhí deis gradaim speisialta a bhronnadh ar dhaltaí as ucht gníomhartha gaiscíochta iontacha curtha i gcrích acu. Thug an coláiste aitheantas ar leith do scoláirí: Seán agus Aoibhinn – mar laochra spóirt, Éadaoin as ucht an mhéid atá déanta aici leis an Ghaeilge a chur chun cinn thar na blianta, Caoimhín as ucht tinreamh den scoth thar sé bhliain, Leah mar dhalta eiseamláireach nár fhreastail ar Ghaelscoil ach a thosaigh ar an Ghaeilge i gceart sa mheánscoil agus meon dearfach aici i dtaobh an ghaeloideachais agus ar Chaoimhe as ucht a cur chuige ceannródaíochta mar scoláire sa choláiste.
Mar aon leis sin, bronnadh gradaim ar dhaltaí as ucht obair thionscadail in ábhair éagsúla:
Sóisearach:
- Adhmadóireacht – Conor
- Eacnamaíocht Bhaile – Kate
- Innealtóireacht – Scott
- Grafaicí Teicniúla – Eoghan
- Ealaín – Max
- Stair – Saoirse
Sinsearach:
- Foirgníocht – Semyon
- Eacnamaíocht Bhaile – Sarah
- Innealtóireacht –Sarah
- Ealaín – Ellie
- Ceol – Eoin
Le clabhsúr a chur leis na gradaim éagsúla, tugadh aitheantas do chúigear agus Gradaim BOOGR bronnta orthu siúd ar thréithe éagsúla:
- Lúthchleasaíocht /Spórt- Seán
- Buanna Acadúla – Eve
- Cur chun cinn na Gaeilge – Éadaoin
- Eolaíocht, Teicneolaíocht, Innealtóireacht agus Matamaitic (ETIM)- Semyon
- Na hEalaíona agus Cultúr- Moonlight Eclipse ( Ar ndóigh – bhí deis ag pobal na scoile cluas a thabhairt le héisteacht lena mbuanna ceoil ler crích a chur le searmanas na ngradam)
Is iomaí bua a rugadh leo
