Skip to content

Eitpheil na gCailíní – Cluiche Ceannais na hÉireann

Foireann Eitpheile na gCailíní a bhain Craobh Ceannais na hÉireann amach agus iad i gcuideachta le Seán Ó Briain

Tá Coláiste an Eachréidh thar a bheith bródúil as foireann eitpheile na gcailíní a bhain craobh ceannais na hÉireann amach ar na mallaibh. Cé nár éirigh leo ar an lá mór, níl aon amhras ach go raibh éacht iontach curtha i gcrích acu le bheith san iomaíocht ar an leibhéal is airde go náisiúnta. Mar a tharlaíonn sé bhí Aoibhinn aitheanta mar laoch na himeartha.

Bhí comhoibriú leanúnach eatarthu mar fhoireann agus níor chailleadar a misneach riamh. Cinnte, bhí lucht tacaíochta den scoth taobh thiar dóibh i rith an ama agus cé go dtuigtear nach féidir gach cluiche a thabhairt leo – tá gach cosúlacht go mbeidh lá eile acu amach anseo. Comhghairdeas leo!

Congratulations to the Girls’ Volleyball team that recently played in an all-Ireland final. Coláiste an Eachréidh is very proud of your achievements.

Comhghairdeas a Chailíní

Mhothaigh lucht féachana gach cor is casadh le linn an chluiche ceannais
Is iomaí póstaer a bhí deartha ag lucht leanúna dá laochra
Cinnte – b’íomaí uair go raibh a lámha in uachtar acu le linn an chraobh ceannais
Aoibhinn – laoch na hImeartha ar an lá mór – teideal a bhí tuillte go maith aici
Thuas seal agus thíos seal – mar a bhí an liathróid i rith an chluiche
Foireann Eitpheile na gCailíní a bhain Craobh Ceannais na hÉireann amach agus iad i gcuideachta le Seán Ó Briain
Ní raibh díoma ar lucht leanúna go raibh deis acu a bheith ann ar an lá mór