Bhí turas iontach eagraithe ar son na daltaí uile Bl.2 go Gairdíní Bhríde, Ros Cathail, Maigh Cuilinn (Tuilleadh eolais) ag múinteoir Marina mar chuid den chúrsa OSSP.

Cinnte, b’iontach an deis a bhí ag na daltaí a bheith ag foghlaim fá chúrsaí saorántachta is timpeallachta agus iad amuigh faoin aer. Bhí ceardlanna agus imeachtaí spraiúla eagraithe go speisialta ag foireann Gairdíní Bhríde. Cinnte tugadh dúshláin do na scoláirí óga machnamh a dhéanamh ar chearta daonna fud fad na cruinne agus iad a chur ag machnamh fá na freagrachtaí pearsanta atá ag gach duine againn.

Gan dabht, bhain idir dhaltaí agus múinteoirí an-taitneamh go deo as an lá. Bhí lá breá acu ann – an aimsir ar fheabhas agus atmaisféar galánta mórthimpeall sna garraithe. Gabhaimid buíochas leis na ceannairí (foireann Ghairdíní Bhríde) a bhí i gceannas ar na ceardlanna agus le WorldWiseGlobal Schools (tuilleadh eolais) a chur maoiniú ar fáil don turas.

Thanking múinteoir Marina who organized a very educational trip to Gairdíní Bhríde (more info.)as part of WorldwiseGlobal Schools initiative. (further info.) Second year students benifited from a range of workshops organized by a very enthusiastic team (Gairdíní Bhríde) and learnt a lot about human rights and environmental issues throughout the world.

Fásann crann an eolais in ithir an amhrais!