Search Results for Bua an Cheoil

Bua an Cheoil

Neart daltaí rannpháirteach i gcomórtas ‘Scléip’ i mbliana

Caithfidh a rá go raibh ról nach beag ag ceoltóirí, amhránaithe agus lucht siamsaíochta le linn Cheiliúradh Gaisce Nollaig 2019. Níl aon amhras ach go raibh réimse leathan stíleanna ceoil curtha i láthair mar chuid de shiamsaíochta na hócáide ina raibh taispeántais den scoth léirithe do mhúinteoirí agus daltaí uile an choláiste. Cinnte, bhain beagnach trí chéad duine sult as siamsaíocht na hócáide agus léiríodh arís go bhfuil bua an cheoil go smior i measc ár ndaltaí.

Tugadh aitheantas ar leith a ghlac acu páirt i gcomórtas Scléip i mbliana. Bhí deis ag amhránaithe aonair, cór na scoile, buíon ceoil traidisiúnta agus ag bannaí ceoil úrnua a gcuid talainne uile a léiriú don tslua. Cinnte, bhí idir shúgradh agus dáiríre sna amhráin agus táimid thar a bheith bródúil astu ar fad.

Guímíd gach rath go speisialta ar Rosemary agus ar Shorcha agus iad ag gabháil ar aghaidh chun páirt a ghlacadh i gcraobhchomórtas ‘Scléip’.

Gan amhras, bhí go leor oibre curtha i gcrích ag amhránaithe agus ag ceoltóirí an Eachréidh agus iad faoi stiúir Mhúinteoir Annemarie agus gabhtar buíochas léi as ucht a díogras.

 

Wide range of musical talent came to the fore as part of the end of Ceiliúradh Gaisce Nollaig 2019. A special thanks goes out to Múinteoir Annemarie for all her help and guidance throughout the year.

 

Tuilleadh – Seanscéalta cliceáil anseo.

Spraoi ag ‘Scléip’

Níl aon amhras ach go raibh sult is spraoi acu ag Scléip

Arís i mbliana, bhí talann ceoil agus damhsa na ndaltaí le feiceáil ar stáitse mar chuid de ‘Scléip’. Bhí réimse leathan ceoltóirí, damhsóirí agus amhránaithe rannpháirteach ón Choláiste ón chéad bhliain thuas.

Caithfidh a rá go bhfuilimid beannaithe leis an oiread sin daltaí sa choláiste ag a bhfuil bua an cheoil acu agus léirigh go leor grúpaí éagsúla agus amhránaithe aonair spéis iontach sa chomórtas seo eagraithe ag Gael-Linn. I measc na grúpaí is ceoltóirí páirteach ar son Choláiste an Eachréidh bhí Aisling, Eimear agus grúpa nua-bhunaithe ‘Síoraí Spraoi’.

Ar ndóigh, ba cheart ár mbuíochas a ghabháil go speisialta leis na múinteoirí a bhí ag tacú agus ag cuidiú leis na ceoltóirí – Anne Marie agus Deirdre.

Ní amháin go raibh spraoi ag na rannpháirtithe uilig ach bhí bua iontach ag Rosemary agus ag Sorcha agus iad anois cáilithe don bhabhta ceannais 2020. Guímid gach rath orthu beirt agus iad ag gabháil ar aghaidh le bheith i gcomórtas do ghradaim náisiúnta.

 

Congratulations to all the participants of the regional talent competition of Scléip (Gael-Linn). We are all very proud of the wide range of musical talent in Coláiste an Eachréidh. A special word of thanks to the teachers that helped and encouraged our local talent to prosper. We wish Rosemary and Sorcha all the best as they were successful in qualifying for the national competition 2020. Beirigí Bua le ceol! 

Gradaim Ceoil 2018/19

Buaiteoirí – Seó Talainne 2019

Caithfidh a rá go raibh réimse leathan ceoil curtha ar fáil le linn Cheiliúradh Gaisce 2018. Bhí réimse leathan stíleanna ceoil curtha i láthair mar chuid de shiamsaíochta na hócáide ina raibh idir cheoltóirí, amhránaithe agus damhsa léirithe do mhúinteoirí agus daltaí uile an choláiste. Cinnte, bhain beagnach trí chéad duine sult as siamsaíocht na hócáide. Ar ndóigh, tá bua an cheoil go smior sa choláiste.

Gan amhras, bhí bliain mhaith curtha i gcrích ag ceoltóirí an choláiste agus iad faoi stiúir Mhúinteoir Annemarie. Ghlac go leor acu páirt i gcomórtas Scléip 2019 agus bhí Seó Talainne inmheánach eagraithe ag Comhairle na nDaltaí. Tugadh aitheantas i rannóga sóisearacha is sinsearacha mar dhuaiseanna. Bronnadh gradaim ar cheoltóirí traidisiúnta, ar Theo, ar Aisling a chur halla na scoile faoina draíocht cumhachtach agus ar Ríoghna is Hazel – iad aitheanta mar Réalta an Eachréidh.

Wide range of musical talent came to the fore as part of the end of year award ceremony. A special thanks goes out to Múinteoir Annemarie for all her help and guidance throughout the year. For more Ceol cliceáil anseo.

Ceol Ghradaim Gaisce

Caithfidh a rá go raibh réimse leathan ceoil curtha ar fáil le linn Ghradaim Gaisce um Nollaig 2018. Bhí réimse leathan stíleanna ceoil curtha i láthair mar chuid de shiamsaíochta na hócáide ina raibh idir cheoltóirí agus amhránaithe óga an choláiste sásta a gcuid talainne a léiriu do mhúinteoirí agus daltaí uile an choláiste ar a raibh an t-ádh orthu a bheith i láthair. Cinnte, caithfidh a rá gur bhain breis agus dhá chéad duine ard-sult as siamsaíocht na hócáide, rud a léiríonn go bhfuil bua an cheoil go smior ag daltaí an choláiste.

Wide range of musical talent came to the fore as part of the Christmas award ceremony.